理智與感情

當全人類都在慶祝2008年的開始,我并不快樂.

理智告訴我壞事情沒法解決,感情告訴我明天可能會有突破.

理智告訴我我的乖孩子生病了,可能活不了,感情告訴我,可能我想多了,袛不過是小病一場.

理智告訴我不能向不應該妥協的事低頭,感情告訴我退一步海闊天空.

理智告訴我扭曲自己的性格不快樂,感情告訴我你愛他就要附出一切,包括你所謂的'自我'.

理智告訴我你已浪費了許多時間在得不到回報的人和事上,感情告訴我何必斤斤計較.

理智告訴我作一個前所未有的決定,給自己勇氣走出這個困局,看看這世界多大,感情告訴我你的決定,會傷害到你最愛的人.

理智告訴我,快樂是要自己爭取,感情告訴我只有你自己一個覺得快樂,值得嗎?

今天的我就是活在理智與情感之間,很痛苦,快樂似乎離我越來越遠!

晴天霹靂,雪上加霜

早在多月前,已發覺寶寶的體重輕了,因公司和家中的生意業務發生巨大挫折,不以為意.原本在12月時想和她看獸醫,也因心情不好而取消了.

最近她連去大便都有點不規律,昨日連最喜愛的草也不吃,我才發現事情的嚴重.見了獸醫,說明一切,寶寶體重輕了2公斤,屬於不尋常,精神不振,抽了血檢驗,今天報告說她的肝有兩個相關指數都很高,是肝臟有問題,約了下月2號照超聲波,再抽血檢驗其他的可能存在的病因,牙齦也有少許發炎.

天呀!我好驚,寶寶你千萬不要有事,我撐不下去了!!!

未解決!!!

2007年就快過去喇!家事,公事都未解決,好煩!

唔好再折磨我,我就黎頂唔順,好想離開,走去一個無人識我嘅地方,重新過日子!

想high草嘅小朋友

前陣子家中有緊急維修工程,所以個客廳家具擺放混亂,卡萊這個小朋友玩個不亦樂乎!

貓失前蹄

卡萊很爛玩,是隻快樂的貓貓.

食唔到藥丸

話說上週卡萊打完針後,獸醫順便同卡萊食埋杜蟲藥,問我屋企仲有冇其他貓貓,我答仲有一隻,於是買多一份杜蟲藥俾寶寶食.

點知返到屋企用左成半粒鐘都餵佢唔到,囡囡同我講,舊年寶寶打針嗰陣醫生同幾個姑娘都搞佢唔掂,你唔記得咩?係喎!真係唔記得咗,以為係卡萊,我囡囡話,你唔好下次記咗係我唔識食藥丸就得喇!!!吹脹!!!

 

有靚女睇呀!

尋日媽咪趕返黎同我去打針,順便俾Dr.Gerry 檢查我啲牙,佢話媽咪done a very good job喎,我棚牙不知幾靚,口腔仲好健康添,不過我就要keep 住唔可以肥落去,其實我都係得果3.8公斤,但係Dr.Gerry話我咁細個,最多剩係可以重到4公斤咋!

想做靚女就要忍吓口,肥卡變瘦卡囉,我地兩個一齊食少啲,一來可以健康啲,二來可以幫媽咪慳番啲,一舉幾得,正!!!!!!!!

又一年

卡萊在家快一年了,下星期約了vet打針,順便檢查牙齒,希望她永遠健康活潑.

小別勝新婚?

各位不要誤會,我不是說我和老公的感情問題.

我要說的是早排因工作關係,留在大陸的時間多了許多.

和寶寶剪指甲一向都是非常任務,想不到現在大小姐出奇地合作,任剪唔嬲,忽發奇想,若果我消失得更長時間,會不會人和貓地都會自動投懷送抱,愛不釋手呢?

 

好媽媽

前幾天得知一位卜友(黎貓貓媽)的貓貓離世,很傷感.

從她的網誌,記敘著黎貓(貓貓的名字)和她這許多年的軼事,很細膩動人.她為黎貓所作的一切,不是一般養寵物的主人都能做到,做人難,做一個能事事為自己心愛的寵兒而著想的好媽媽更難.

在此衷心希望她快點從悲傷中康復過來!

久違了(下)

下場到肥卡萊,看她圓潤了許多呀!

久違了!(上)

剩係可以加一套slide,唯有寶寶先上場.

 

我番黎囉!

嘩!無寫卜咁耐,一番到黎就唔同哂.對我地呢啲老人家,真係好難適應.

話說回來,我去咗邊?咪煩大陸間公司嘅事囉.呢兩個月簡直就係發惡夢,心情是一刻在天堂,瞬間落地獄.雖然現在已沒之前那麼蹧,但是事情還未解決,我們可以做的已經做盡,餘下的就要看天了.在此勸告想在內地投資的人要小心,因為他們真是可以做到無法無天,無法可依的境地.

我知你們好掛住寶寶同卡萊,等我了解吓呢個版面先至再出佢地嘅相,好嗎?

 

暫別

因家中有事,無暇寫卜,和各位暫別!

風雨花

我在花園種了許多風雨花,每每下連埸大雨時,它就會開個不停,很美!

生死時速

前陣子天氣太熱,把廳中間的茶几移走了,好讓我們可以攤在冰涼的地磚上.

那二隻小鬼樂透了,因為有更大的空間進行他們的'生死時速'!

我和我的卜-回應

看了你們的回應,令我非常感動.

我是一個做事比較嚴謹的人,對自己要求很高,往往壓力由此而生.做人做事,總是給自己和別人很大的壓迫感.

我不知道這究竟是好或不好,性格使然,改也改不了許多.

開始寫卜,是因為借此地來懷念已故的寵物們,希望得到志同道合的你們一些支持和鼓勵.

雖然我們從未見面,但友情卻默默地廣結起來.

在此向支持我繼續寫卜的朋友說句多謝.

我和我的卜

我對寫卜,開始有點意興闌珊了.

相比起其他卜友,他們部落格的精彩程度,令我更加自慚形穢.

當然,出色的卜是因為他們付出了許多時間和心血的成果,如三貓媽媽,肥腩媽和貓貓人,還有許多,不可勝數.....

光是欣賞瀏覽已經不亦樂乎,如果要東施效顰,著實痛苦.

各位卜友,你們認為我該不該繼續呢?

肥腩卡萊與褲頭繩

卡萊真是什麼也玩得一餐,上至貓玩具(用了媽咪許多錢),下至一條羽毛,都玩到樂不可支!

肥腩卡萊與棒棒

我卡萊又來show我的粉紅肥肚腩,希望你們喜歡.

金毛尋回犬咬人事件

這幾天看了一則金毛犬咬主人的新聞,有感而發.

無疑這是一椿悲劇,主人受了重傷,狗命難保.但是事件的背後故事,恐怕祇有金毛犬自己才能解說.

我們不懂動物的語言,我非常同意專家說這隻狗一定經歷過一些刻骨銘心的恐怖經歷,導致今日發生這件可怕的事.

很可惜他們沒有解釋的機會,更不用說遇到無良主人(第一或第二個主人)虐待後的心理創傷,能夠得到安慰和輔導.

遺棄寵物(這隻狗數度被人遺棄),始終是我們做主人絕不容許做的事,引發寵物的報復心理和行動,都是責無旁貸.

在此希望受傷的現在主人可以盡快康復.

爭地盤

寶寶:你個死肥卡,成日同我爭呢個位,仲唔走開!

卡萊:我唔走,你走先至岩!!!

寶寶:睇黎唔打過你都唔知本小姐嘅味道!

卡萊:媽咪!妹妹打我呀!

媽咪:你地兩個都唔准爭,快d落番黎!

媽咪回來了

媽咪跟了daddy回大陸公司好幾天,我同卡萊日日都等待著媽咪.

卡萊:我好掛住媽咪呀,咁多日都未返嘅?

寶寶:我日日係門口度睇實架喇,就黎曬到我變貓乾喇!

卡萊:伊?街口有個靚太好熟口面喎!

寶寶:果個咪係媽咪囉!仲唔快d過黎歡迎媽咪!!!!

 

飛越瘋人黨

寶寶: 肥卡,我地媽咪無拿拿俾果個痴線肥腩媽攻擊呀!

卡萊:乜話?唔係嘛,我地媽咪不嬲都唔入任何黨派個喎!

寶寶:果個肥腩媽同大白貓主人貓貓人鬥到short咗,佢要去睇吓vet,成日話自己啲貓女好多人追!

卡萊:肯定佢係short咗啦,我地兩個先至多人追呀!!!!

梳化底的風光

寶寶是一隻很自閉的貓,好多時都是自己一貓行動,獨來獨往,很cool!

撩事生非

卡萊成日撩事生非,真係攪攪震,無幫趁!

阻路

媽咪:寶寶你咁瞓,媽咪點行呀?

寶寶:我話之你點行?我鍾意呀!

媽咪:好彩daddy返咗大陸,如果唔係,佢實唔放過你,咁同媽咪講野!你都係蝦我錫你啫!

         怕咗你!

繼續Pink Lady

好多卜友都鍾意我呢個粉紅美人,承蒙大家厚愛,無以為報,靚相共賞之!!!!

將冰山擘開

上篇話說卡萊同寶寶成日打架,好多朋友留言估佢地係玩玩吓.

俾你地估中,呢幾日佢地朝朝都打餐飽,卡萊好主動咁追寶寶,撩佢玩,寶寶開始被卡萊嘅熱情熔化,好投入咁同佢追逐嬉戲,因為佢地好玩即興,錄唔到video俾大家睇,好可惜!!!

水火不容

卡萊和寶寶不知是不是天氣熱,十分煩躁,整天打架,卡萊由初初不諳'貓'性,到現在已經公然挑釁寶寶,還搶奪了寶寶很多地盤,寶寶失去了雪柜頂的重要基地,,希望她們的打鬥不會因此而升級吧!

 

但願

最近見到一位主人因懷孕而要棄養養了十二年的貓貓,雖然說可能她有苦衷,但我相信衹要努力,不難找到解決的方法.

在她而言,放棄貓兒,是最容易解決她自家的問題,但是在貓貓的一方,就是天大的一個挫折和慘痛的經歷.

人好多時做出了許多魯莽,錯誤和自私的行為,傷害別人,還懵然不知,理直氣壯地說自己沒錯.

唉!人真是有智愚之分,不知他們到何時才會醒覺.

如太郎媽媽說,但願我能和我的貓兒再過往後的十二年,或許更多更多!

不懂珍惜的人,不要給他太多!!!!!!!

叮噹和寶寶

係屋企叮噹都係under我嘅!

 

卡萊拍照

感冒了成個星期,終於都病好了.

卡萊坐定定,映番張相上卜啦!

好呀,快d啦,我準備好喇!

柔情一面

我寶寶雖然性格剛烈,不過我都有柔情嘅一面,你睇我其實都好靚女,貓貓人嘅大頭不如揀我啦.

我比豬虹成熟同有韻味,大頭我一定會保護你架,你咁細膽,梗係要搵個硬淨啲嘅賢內助至得嘅.

如來神腳

媽咪我而家傳授緊貓地嘅如來神腳武功俾大姐姐.

佢練成之後,就會好似我地咁,可以飛簷走璧架喇!

寶寶大人

我係一隻好有尊嚴嘅貓黎,唔似卡萊咁得人鍾意!

我就是我!!!!!!!!

 

大白兔

卡萊這兩張相,很似熟睡中的大白兔,可愛極了!