做上帝不易

昨日我的侄女(老公大哥的女兒)做了一個大手術,是腦血管搭橋手術,手術由早上9時開始,醫生預算要做6個小時,才能完成,但是我們等到黃昏6時多,醫生才由手術室出來說手術終於做完了,而且很成功.

這個病是先天的,好彩發現得早,如果不是,隨時暴斃.她只得18歲,太年輕啊!!

人生很無常,其實做上帝不易,當你可以掌握人的生死時,是不是真能毫不動容.

向世界出發完結篇-後感

向世界出發之終結篇,七位主持各自給自己至親或想表達心意的人用說話代表了一封信,傳達給收信人.

我也有感而發.

(一)給爸爸的信

親愛的爸爸,

在極樂世界生活可好嗎,女兒很掛念你.雖然你已離開我差不多已經十五年了,但是我無時無刻的惦念著你,怕你會感到寂寞,以前你總是日日守在家中,等我們回來,和你談天說地,你的世界仿佛只是圍繞著我們.現在有媽媽陪著你,我想你應該不會感到悶呀.

你現在不用我說也知道你的兒女在這世上的情況,你可不用再掛心我們啊,雖然我們不算太成功,但也沒有丟你老人家的面,各人都很努力,除了我這個不成氣候的女兒,有點令你失望,我希望你多給我一些時間,因為我現在真的有點迷失,找不到方向.我應承你我會繼續努力,盡快重回軌道上去.

愛你的女兒上

(二)給媽媽的信

親愛的媽媽,

你好嗎?我好想你,我有許多許多說話想和你說,人就算是有幾年長,當遇到極大的傷痛,總會大聲喊'媽呀'!

如果現在你還在我的身邊,我就不會覺得孤苦伶仃,那麼的無助了.你堅強的性格,總會給我找到力量去解決困難.別人覺得你總是兇巴巴,但我卻覺得你很有台型,雖然你說話的技巧很差勁,得罪了許多人,但是你的心地是善良的,正直的.對於我們相處的後期,我見到你的改進,你的努力,令我更加愛你,更捨不得你要離去.

現在我祇有在夢中才可以和你再見,希望你能祝福我,讓我快些找到應走的路向.

愛你的女兒上

(三)給威威和乖乖的信

親愛的威威和乖乖,你們在彩虹橋的生活一定是很快樂.

媽媽很掛念你們.很多謝你們帶給媽媽無盡的歡樂,媽媽再不可以照顧你們,你們要乖呀,下世不要再做貓狗了.

極愛你們的媽媽上

卡萊覆診

尋日五點幾同卡萊去覆診.獸醫話卡萊做完手術後,口腔情況良好.不過發生係咁細年紀嘅貓貓身上都係唔尋常.所以卡萊以後早上要用貓專用嘅牙膏刷牙.夜晚用潔齒gel清潔,希望可以保持健康嘅口腔.

現在我用手指幫佢刷牙,等佢習慣咗之後,就會轉用小朋友用的牙刷.

呢個卡萊小姐好乖,應該唔難.

今次出血指數係有記錄以黎最低價,祇係$50大洋.Thank you Dr.Gerry.

追逐

我地成日都係度追黎追去,搞到d傢俬東歪西倒,激到媽咪死死吓!

搞唔掂

尋日朝早同d貓剪指甲,個隻寶寶好似我要佢死咁,四肢係咁抓呀抓,搞到剪唔到,呢隻貓真係惡到無人有,你地有冇計呀?

同一屋簷下(二)

無論在任何環境下,我地都係長幼有序.

寶寶在上,我卡萊在下.

俏卡萊

今日下午停電,急急腳現在出卜,下午陪老公大人出街.

呢隻小可愛,真係人見人愛,車見車載架!!

同一屋簷下

雖然說是一家人,但總要有點私人空間!!!

書柜變成貓屋,吹脹!!!!

 

到我未??

喂各位,你地唔好剩係掛住卡萊,唔記得咗我寶寶,今日輪都輪到我出鏡啦!!!

 

成功餵食藥丸

好開心呀,今朝7點同囡囡一齊幫卡萊食咗粒藥丸.

卡萊好乖啊,好合作地吞咗粒藥.呢隻小可愛真係好扺錫!!!!

卡萊驗血結果證實個腎無事,thank God!!

**P.S.寶寶同卡萊都唔鍾意食濕糧嫁,試過好多牌子佢地都唔食,所以我先至煩唔知點餵藥丸.

現在我俾Felidae嘅貓餅佢地食,係Lisa介紹嘅,食得幾好.

出血指數

卡萊星期五早上出發時,很鎮定.

做完手術,脫了牙(未知幾多隻),當晚見唔到醫生.

黃昏時接佢回家,可能麻醉藥未過,迷糊受驚咬了我一口,姑娘為我包紮傷口,今次真的出血了!!

出血指數$2750.00

下星期仲要覆診,出血指數未定.

明天要加服一粒藥丸,唔識點餵佢食?你地有無人識餵貓貓食藥丸,煩告之,謝謝.

 

 

 

卡萊睇醫生

今日卡萊要睇醫生.十點準時去到獸醫度,卡萊一路都好乖.

獸醫話卡萊個口腔啲牙齦情況唔好,紅腫同發炎,有至少兩隻大牙要拨去,因為係大牙,傷口會好大,所以要聯針.日後重要食幾星期嘅抗生素,等傷口好番之後,要開始同佢刷牙,保持口腔清潔同埋按摩牙齦,希望可以改善佢口腔嘅毛病.

獸醫重話有口腔病嘅貓,可能個腎都會有問題,所以頭先同卡萊抽血檢查.

我個心好肉赤,卡萊咁細個就要受苦,今晚先可以見到佢,我已經好掛住佢喇!!!

 

冇口氣

我雖然過幾日要睇醫生,不過食咗藥同用咗潔齒gel,個口已經唔臭,媽咪重成日錫我添.

壞腦

呢幾日樓下部電腦發現病毒,搞咗一輪都殺唔死啲毒,唯有'自殺'啦!!!

要format部機,真係好唔情願,好彩重有樓上部電腦,幫輕許多,但係始終漏咗啲電郵地址,出唔到e-mail,無奈!

希望親朋好友,見到此blog,自動回電郵,以作記錄,謝謝.

復活節假期即將完結,宜收拾心情,繼續幹活,大家努力啊!!!!!!!

 

卡萊有口腔病

卡萊口腔有事,其實不是這幾天發現.早在她回家不久已見她牙肉紅腫,但當時見她還沒有牙,以為她在出牙仔.如事者直到最近,發覺她個口很臭,牙齒已經出齊,牙肉仍然有紅腫,所以昨天帶了她去看獸醫.

獸醫解釋說這種口腔問題,在貓隻裡很常見,但發生在卡萊這個年齡的幼貓就比較少.

現在約了時間做口腔檢查(4月十三日),可能要拔牙,我想情況同貓貓人的大頭相似.待下次有結果時再向大家報告.

暫時她要服食抗生素和潔齒gel.

今次輪到我大出血了!!!!

 

儀態

哎,寶寶妹妹,你點解用個patpat對住我呀,咁無儀態.我地係淑女黎嫁!!