闖禁地

我之前有提過我家嘅貓地平時係唔可以入我間房,除左係打掃嘅時候.

佢地望緊雀仔呀!

不過一見部吸塵機,就會雞飛狗走架喇!

 

天涯何處不相逢

最近在卜中跟一位家人相叙.很奇怪.以往因為種種原因,雖然說是一家人,但鮮有交往,縱使如此,我和她有一共通點,就是愛狗.因自家的問題,我轉移養了貓貓,她喜不喜歡貓貓,我就不太知道了,總而言之,我認為喜愛動物的人,多也是心地善良的.

很高興她和愛人生活得愉快,家中亦添了兩隻可愛的狗兒,在此希望她二人三犬之家,健康快樂.

人與人相交,我相信總有一點緣份.

大帝

天時暑熱,有咩嘢舒服得過係屋企嘆冷氣.

有家的貓貓,真幸福!!!!

寸爆情侶雀

有時真係唔怪得我地咁鍾意捉雀仔,我地好想好似飲咗Red Bull咁,有咗一對翼.

如果唔係媽咪唔俾我地出黎,睇吓你地會唔會死係我地兩個奪命雙嬌嘅口裡面!!!

今日天氣-呵呵呵(三)

因為我地兩個都好怕風筒.

媽咪話就等我地好似榮華臘腸咁--------天然生曬,零舍不同(要用國語黎讀架!!!!!)

今日天氣-呵呵呵(二)

因為寶寶大人脾氣比較大,閒雜人等,唔可以係佢視線範圍出現,所以映唔到大人嘅出浴照.

唯有睇佢濕身照喇!

今日天氣-呵呵呵(一)

想同佢地兩隻沖涼好耐,今日天氣晴朗,擇日不如撞日,就今日啦!

先黎睇卡萊小姐,明日到寶寶大人.

路人甲

卡萊嘅玩樂時間好頻密,一日差唔多玩上四至五次,如果你唔彩佢,佢會輕輕力咁咬你,叫你同佢玩.

路人甲貓好唔抵得佢,成日眼超超.

開餐

寶寶卡萊很多時都一齊開餐,卡萊的體形和寶寶已差不多了,你們認為他們要不要減肥呀?

 

忟薑寶寶vs斯文卡萊

寶寶在我眼裡是隻很有氣質的貓兒.回想當日由隔鄰車房的雜物堆中拯救她出來,第一眼已覺得她與眾不同.

拾了它回家,受到老公和囡囡的激烈反對,因剛剛養了十多年的大狼狗離世衹不過幾星期,他們知道我的情緒很低落,怕我在這時還要照顧一隻如此幼小的貓兒,會抵不住,加上當時我的工作已經很忙,根本沒有多餘的時間.大狼狗的離世給回我很多多餘的空間.

不過最後她也成為了我的寶寶.貓貓人曾問過寶寶怎樣惡?現在在此說說.

你走在她前面,她會fee你;你坐了她的位,她會fee你;你沒知會她之前摸她,她會fee你,她要食東西,你要讓她,不然她會fee你,無論人同貓她都公平看待,不會俾面.

當然最大受害人是卡萊莫屬了,但是卡萊是天生的可人兒,看她傻氣的樣子,有時也會令寶寶無奈呀!

由於寶寶那段片攝於晚上,比較暗,請諒!!

我為貓煩

昨日又是時候為貓地剪指甲,寶寶當然是首選.

搏鬥非常激烈,原先想用新鮮貓草利誘,失敗,再用大毛巾包身,換來更激的反抗.我和囡囡嚴陣以待,保住兩人雙手的完整無損.最後出動絕招,洗衣袋侍候.

連環搏擊半句鍾,心力交悴!唉,三個星期再見,這'mission impossible'!!!!

虎口逃生

因為禽流感的關係,我已經好耐無俾佢地出花園玩,加上寶寶唔肯食杜蟲藥,也好容易會生寄生蟲.所以我剩係俾佢地出二樓嘅露台,仲有一個原因,係佢地會捉雀仔.

日前我剛剛起身刷牙之際,突然聽到吱吱聲,原來佢地兩隻野捉到隻小麻雀,我即刻由卡萊個口度救咗隻雀仔出黎,好彩佢地無咬傷佢.

 

快樂的卡萊

卡萊已經習慣早上刷牙了,身體健康,貓地自然活潑快樂!!!

霸王寶寶

我寶寶係屋企嘅小霸王,媽咪話我好有性格,唔鍾意就發哂老脾,佢話如果知道我咁惡,由我係街度做街霸,唔拾我番黎!!

媽咪唔好呀,我以後會乖的嫁喇!!俾你地睇吓我細個個醒目樣,就知點解媽咪會要我啦!!

心疼

今晚去醫院探剛剛由深切治療部出番大房嘅侄女,光禿禿嘅頭部包住紗布,左眼同頭都腫脹了,佢話個頭好痛,口一嘴饞就影響到個頭,無胃口食嘢,痛到瞓唔到,好可憐.今日重有少少發燒,我揸左啲紅蘿蔔蘋果汁佢飲,希望佢可以快啲退燒.

最慘係佢今次祇係做咗前額同左腦兩邊,六個月後,要做堆右腦,先至可以叫做痊癒,好驚呀!!

貓地的地位

今日我地媽咪心情先至好的.早排佢為左屋企人有事,好担心.

仲有我地屋嘅男主人因為大陸五一勞動節,放咗好多日假,佢唔認係我地貓爸嫁,因為佢唔會好似媽咪咁錫我地,佢衹不過唔理我地者.我地係媽咪嘅心目中地位高過佢,所以佢唔鍾意我地.

Anyway,對我地黎講,有媽咪就係有一切,今日係我地媽咪牛一,祝佢身體健康!