阿柑 and 阿桔

上次篇卜無柑女份,今次補番.

佢係咪肥左好多呢?

我地過得好好

呢個卜俾阿媽經營到發霉發臭,真係貓都有火,完全唔顧我地啲粉絲嘅感受,佢地一定好掛住我地架喇!

阿媽話太耐無玩,唔記得哂啲function,將就啲睇住少少相先喇!

忽然貓樣

我班老細好耐無同大家見面,依然係過住啲好富泰嘅生活.

阿桔 : 你唔羨慕得咁多!

阿桔 :  你個貓奴仲唔去準備我地啲飯餐?

卡萊 :  咁唔醒目點做野呀?

柑柑 :  你地唔可以咁對媽媽,媽咪好鍚我地.嗱,佢又買左新貴妃椅俾我地瞓喇!

阿桔 :  買得果一張咁多,我地點夠瞓喎!

馬交一日遊

星期三囡囡放假去左澳門玩,個女已經成十幾年無去過,佢話要去赌場見識吓!

個海好污濁

我地坐Jetfoil

全日都係撘巴士,好方便

去左官也街

午餐食平價泰國野

啲佈置都唔差

男界

女界

著名豬扒包檔,不過未夠3點,無得食,我地決定唔食

呢間野簡直無處不在

寧願食雲吞

呢個新鮮,不過味道麻麻

好正,湯底好飲

多人到吖

晚餐book左新葡京嘅自助山,之前一晚打長途電話訂,如果果日先book,實無得食

未夠鐘食buffet,走左去打保齡球.

轉左新版面

手多多轉左Yahoo Blog 個新版面,完全迷失,我搵唔番我個banner同已訂閱blog友啲卜呀!

小柑飲水

每日如果我無其他野做,都會同佢地飲吓水.

柑女剩係肯俾我同佢飲,其他人抱佢佢就會掙扎,唔會同你合作.

 

 

悠閒

呢排生活平靜,同班大帝一齊過住啲好悠閒嘅日子.

桔: 阿媽你咁懶出卜,啲人唔記得我地喇!

柑: 媽咪話想學我地咁嘆喎!

媽咪 : 你睇佢地優悠成咁,你叫我點會唔羨慕?

日日有人貼身照顧,仲要提供埋優閒娛樂場所,

新置嘅設施,

桔 :  你估阿媽咁易做?

好熱

天氣開始好熱

柑 :  好曬呀!

柑 : 阿哥,咁熱你都仲係個'隆'度瞓,服左你喇!

桔 : 都係落番廳,嘆住風扇,舒服啲..

柑 :  阿媽,唔該開埋另外把風扇吖!

柑  :  咁熱都係自己瞓好啲! 阿哥有時好反瞓.

桔 :  係張梳化細啫,我不知幾斯文.唔信睇吓喇!

卡萊 :  你地兩個真係麻煩友.

桔  :  伊,好香喎!

桔  :  有雞雞呀,媽咪快啲開飯喇!

媽咪 :  你唔准跳上枱呀!

擺脫

金毛狗女阿Sa走了.

點解有啲咁嘅人渣

係我屋企條街有隻金毛狗女阿Sa,佢個人渣主人知道佢有病都唔出錢同佢睇醫生.

話說上星期尾個印傭姐姐照樣同佢行街,阿Sa突然暈左,姐姐抱佢返屋企途中遇到做護士嘅街坊太太剛剛下班,即時車佢去睇獸醫,醫生話3日內唔得就要'走',街坊太太當然要同佢2個PK主人講,點知佢地話無錢唔會醫佢,正人渣!連出錢打毒針都唔會俾錢.

街坊太太就係之前死左嘅唐狗阿黃嘅主人,佢地2公婆當啲狗係囝囡咁樣看待,佢見咁情形,就吩咐佢老公星期六放假接番阿Sa返屋企住多幾日,因為湊大佢個姐姐好傷心,好唔捨得,而且阿Sa仲有爸爸Solar,俾佢地兩父女見多幾面,街坊太太同姐姐講,你幾時ready就會車佢去sleep架喇,街坊太太會負責啲費用.

今朝我去睇阿Sa,忍唔住啲眼淚係咁流,姐姐喊到收唔到聲,真係好慘!不過伊家我都唔清楚究竟阿Sa有乜野病,因為我仲未見到街坊太太,兩個印傭姐姐又話唔知醫生講乜.

總而言之,無愛心就真係唔好養動物啦!

後記: 剛剛見到街坊護士太太,問佢阿Sa嘅病情,原來係慢性腎衰竭,無得醫,不過街坊太太話佢唔會咁快要阿Sa打針,如果佢主人唔要同唔照顧佢,佢會接阿Sa返屋企,俾佢好好地過埋呢段日子,不竟阿Sa只不過3,4歲,真係好可惜,我地2個不其然又流眼淚......

迎夏

夏天終於都黎到,最近忙換季,洗被.曬被,幫大帝佢地洗貓床同被,搞到人都散哂!

阿桔曬到咪哂眼

幾嘆!

柑女都一齊曬

卡萊都話好舒服

夜晚齊齊係廳倍媽咪睇電視........