好廢

覺得自己好廢 ,落樓梯好似啲阿公阿婆咁要扶住,個膝頭哥無力撐住,好彩行平路同上樓梯都無野.

對手攞唔到重野,連想買5個橙,揪完返屋企個手腕手肘都會寃,成個廢柴咁,伊家坐車都唔敢讓位俾D老人家.你話死唔死!

跌打醫師話要等對腳完全無事先可以搞對膝頭嘅十字韌帶,到時又會唔行得,所以我伊家可以行,幾大都行個夠本!

唔順暢

今個星期真係好唔'老黎',隻腳傷咗(Sunday打波'咬'咗柴)搞到我成身啲關節更加唔舒服,右手手肘已經痛咗成個月,整親隻腳令到我條腰痛上加痛!終於老公勒令我去

----執骨----.即係睇跌打.

星期一 試咗個新跌打醫師,唔掂!無咗3舊水;

星期二搵番睇開果個,第一次去見佢落曬閘,以為佢執咗粒,去完染髮再過去,開咗門,好高興.佢話我隻右手手骹移咗位,嘩!同我移番正,痛到我死.隻腳佢話我著錯鞋,唔同我搞住,其實隻腳自己都好咗好多,仲有瘀!

今日去到以為唔洗搞隻腳,佢話你以為啦,重未好番,因為啲腳趾骨要按番歸位,啲瘀血先至會散,呢次重痛,同生仔差唔多,真係十趾痛歸心!

 

聽日又要去喇!唔知佢會搞邊度,希望快d搞掂,我要打波呀!!!!!

 

 

 

註: 呢個跌打醫師真係元朗區中至有料,好正,價錢每部位200元,不過要唔怕痛先至好睇佢!

 

 

感觸

看了蘋果日報中蔡瀾的短文,提到養寵物主人的心態.

為什麼喜歡養狗,其中一個較為滿意的答覆是因為被親戚出賣過,被家人拋棄過,只有狗,永遠是他的朋友.

雖然我沒這位人兄說得那麼嚴重,但現在我對人都是抱著遠觀而不想太親密的心態

我是被親人傷害過,而且不止一次,每次我都跟自己說,可能是大家了解不深,生長背景不同,所以大家誤會了對方,是無心的,無意的.

但是隨著時間的過去,相處的日子越來越久,你便會醒覺他們并不是無心之失,而是對自己存著偏見和妒忌.有些時更被冠上'莫須有'的罪名,總是有藉口在危難時離棄和搜括你.我對家族的投入和貢獻,竟然視而不見,沒有半點感動和憐憫,對我來說,真是既痛心又失望.

現在聰明了,知道不應再回想過去,,不再浪費時間在這些人和事上,可能我沒有他們那麼多(財富),但是我知足常樂,有個愛惜自己的丈夫,乖巧的女兒,窩心的寶貝,吾滿足爾!!!!!

最愛

我很喜歡打羽毛球.讀中學那時已經入了羽毛球會,後來因為教練不怎樣教我,而且讀書成績不是那麼理想,所以就放棄再學了.

到了現在一把年紀才可以重拾這個少年時的玩意,真搞笑!

打從上年初已開始玩,怎知遇上奧運的來臨,康民處實行了免費3個月給全港市民享用康民處的各項措施,打斷了我book場的預定.亦中斷了這個運動達大半年之久.

現在一切又重回軌道了,給你們看看我的至愛

左邊那隻是舊年在Sogo買,我叫它做'倚天劍',很輕身,剎波清脆;

右邊那隻也是在Sogo買的,叫'屠龍刀',比較重身,剎波威力大,現在已成為我的最愛了!

 

牛年第一單料

就係阿桔又走咗出街,今次仲去咗幾間屋咁遠,我個個鄰居都有養狗,我同阿囡係條街猛咁喝住佢,幾驚佢會跳落地,搞咗成個鐘,佢先至肯番番入屋.

以後都唔可以俾佢地單獨咁留係露台喇!!!

你地睇吓個衰仔仲係咁百厭

相比卡萊同阿柑就乖好多

亭亭玉立嘅卡萊

斯斯文文嘅柑囡

阿柑同阿桔一張趣怪嘅相.

阿囡過年豆咗好多利是,屈佢買咗棵新貓樹,價錢合理兼四平八穩,好滿意.

無無聊聊過咗年

話咁快又過咗一個年,今年雖然無咩搞作,但係都覺得好攰.

買咗幾條頸帶俾佢地,不過好似唔係咁鍾意,睇吓可以戴得幾耐!

 

 

卡萊戴新頸帶,唔like,所以唔郁,

阿桔都係--無聲抗議,

而阿柑,戴咗之後發咗癲,影都唔見!!!!!

牛年迎新歲

今年係牛年,唔怕同你地講,亦都係我出生嘅年份.

係呢度祝大家身體健康,事事順景.

而我屋企個三隻野,大年初一已經齊齊送咗3篤"黃金"俾我執,-----真係好窩心呀!!!!!!