生日快樂

再過幾天就係我生日,現在人年長了,懂得人生的--生,老,病,死.

我已靜靜地步入[老]的階段,同時也迎接[病]的來臨,而[死],不是怕,而是沒人知道何時 ,現在祗想平淡地過.

去了看跌打,因為左腳的膝蓋疼痛難當,結果又驚又喜,因為醫師先按腳掌和腳瓜,說我此腳曾經斷骨,回想正是,十多年前從十尺貨架垂直墜下,也沒怎樣休息,現在左腳的腳趾沒一隻正常,所以平常行路力度不均,令到膝蓋受壓,給他初步治理下,痛楚已經沒有了8成.

昨日再覆診,醫師話已經唔駛再去,我左腳屬殘障,無可能回覆正常,以後小心保養就是了.

醫師見我穿了Birkenstock的密頭鞋,說我不適合再穿,以後改著人字拖,回家找舊年買了還未穿過的一對白色涼鞋,怎知遍尋不獲,我想又給我不經意地丟棄了.越想越惱自己,突然哭了出來,怒是這已經不是第一次,許多東西在我全沒記憶下''失蹤''了,最近失了一柄刀和2個貓貓用的clips,怎樣想也想不到放到那裡去.囡囡跑來輕聲安慰著,3貓也逐一走過來看我,很快我已笑逐顏開了!

 

好耐無見續篇(下)

最後兩隻twins貓又大戰

卡萊好乖,起碼話得聽!

 

好耐無見續篇(上)

剩係睇相唔夠喉,不如睇吓片,

路貓甲阿柑

阿柑同哥哥玩

 

好耐冇見

貓地好耐都冇同大家見面,伊家亮吓相先,

名字 :  卡萊

別號:   肥卡, 肥肥, 阿肥,姊姊

名字 :  阿桔

別號:   桔仔,屎仔, 細佬, 阿哥

名字 :  柑柑

別號 :  阿柑, 屎妹,妹妹

****報告完畢,謝謝****

 

 

好廢

覺得自己好廢 ,落樓梯好似啲阿公阿婆咁要扶住,個膝頭哥無力撐住,好彩行平路同上樓梯都無野.

對手攞唔到重野,連想買5個橙,揪完返屋企個手腕手肘都會寃,成個廢柴咁,伊家坐車都唔敢讓位俾D老人家.你話死唔死!

跌打醫師話要等對腳完全無事先可以搞對膝頭嘅十字韌帶,到時又會唔行得,所以我伊家可以行,幾大都行個夠本!

唔順暢

今個星期真係好唔'老黎',隻腳傷咗(Sunday打波'咬'咗柴)搞到我成身啲關節更加唔舒服,右手手肘已經痛咗成個月,整親隻腳令到我條腰痛上加痛!終於老公勒令我去

----執骨----.即係睇跌打.

星期一 試咗個新跌打醫師,唔掂!無咗3舊水;

星期二搵番睇開果個,第一次去見佢落曬閘,以為佢執咗粒,去完染髮再過去,開咗門,好高興.佢話我隻右手手骹移咗位,嘩!同我移番正,痛到我死.隻腳佢話我著錯鞋,唔同我搞住,其實隻腳自己都好咗好多,仲有瘀!

今日去到以為唔洗搞隻腳,佢話你以為啦,重未好番,因為啲腳趾骨要按番歸位,啲瘀血先至會散,呢次重痛,同生仔差唔多,真係十趾痛歸心!

 

聽日又要去喇!唔知佢會搞邊度,希望快d搞掂,我要打波呀!!!!!

 

 

 

註: 呢個跌打醫師真係元朗區中至有料,好正,價錢每部位200元,不過要唔怕痛先至好睇佢!

 

 

感觸

看了蘋果日報中蔡瀾的短文,提到養寵物主人的心態.

為什麼喜歡養狗,其中一個較為滿意的答覆是因為被親戚出賣過,被家人拋棄過,只有狗,永遠是他的朋友.

雖然我沒這位人兄說得那麼嚴重,但現在我對人都是抱著遠觀而不想太親密的心態

我是被親人傷害過,而且不止一次,每次我都跟自己說,可能是大家了解不深,生長背景不同,所以大家誤會了對方,是無心的,無意的.

但是隨著時間的過去,相處的日子越來越久,你便會醒覺他們并不是無心之失,而是對自己存著偏見和妒忌.有些時更被冠上'莫須有'的罪名,總是有藉口在危難時離棄和搜括你.我對家族的投入和貢獻,竟然視而不見,沒有半點感動和憐憫,對我來說,真是既痛心又失望.

現在聰明了,知道不應再回想過去,,不再浪費時間在這些人和事上,可能我沒有他們那麼多(財富),但是我知足常樂,有個愛惜自己的丈夫,乖巧的女兒,窩心的寶貝,吾滿足爾!!!!!