瘋癲卡萊傻寶寶

幾天無見,有無掛住我地兩隻嘢???

無奈

剛剛去Lisa的blog,看見有個教師幾個月前領養了一隻小貓,但因為突然生皮膚,所以唔要隻貓.如果你們有看我之前寫個篇文章,就係講我先生嘅事.

佢雖然突然間有病,但係我從來都無想過放棄啲貓,我同我老公講,你無咗我係身邊,你唔會死,你仲有你嘅家人,佢地會照顧你,但係的貓如果我唔要佢地,佢地就必死無異,咁我就害死兩條生命.

好好彩我地搵到解決嘅辦法,我相信祇要有心,就一定可以嘅,雖然搞到我同佢的家人有唔開心,但係對我呢講,係值得嘅,因為佢地唔係貓貓咁簡單,佢地係我嘅乖女兒呀!!

 

 

 

超人嘅貓

有無人可以話俾我知佢係點上到去嫁??

唔通佢係超人隻貓,識飛!!

 

觀魚

魚仔,你地可唔可以游上黎俾我睇真的你呀??

真的愛你

對好多人來講,養寵物嘅考慮係地方,金錢同時間.

但是對我來講,除咗以上嘅情形,重要面對好強烈嘅壓力.我先生因為工作嘅關係,幾年前有了哮喘,醫生話係敏感,發作咗就以後都會有呢個病.

當時我老爺,奶奶同大伯都要我丟哂的貓.個陣有乖乖同寶寶,乖乖已經有七歲,寶寶得三個月大,如果唔要乖乖佢實死,因為佢唔見我就會唔開心,太耐嘅話,仲會絕食添.寶寶就有街坊話幫我收養.

我個陣好唔開心,同老公嘅屋企人搞到好僵,又唔捨得唔要佢地,我老公話唔駛咁煩,佢橫掂都要去大陸度做嘢,重要周圍飛,唔會成日係香港,而且醫生話如果啲貓唔係佢嘅致敏原,同屋企保持乾淨,都唔會咁易發作.

所以件事就咁settle咗.依家乖乖已經走咗,我老公知我實在太鍾意佢地,所以都支持我領養卡萊,不過佢就唔俾佢地上佢個身同入我地間房,有時見卡萊興高采烈想佢抱,但係俾佢拒絕嘅失望表情,真是好可憐,個時我就會同卡萊講,daddy唔抱得你,等媽咪錫番你啦.

其實我老公真係對我好包容,係度真係要講句多謝哂,老公我愛你.

蠢鬥蠢

打架追逐這些每天指定動作,已經令我地媽咪開心大半天了,仲話我地係傻瓜,其實最傻係佢自己,哈哈!!

 

有了你開心啲

有時一個人食飯,看見他們好好的,飯都食多啲.

扮嘢

我寶寶平時扮嘢最叻,媽咪要我錫多啲卡萊,係佢面前扮下friend囉,媽咪走咗就唔駛俾面佢,咬鬼你個死卡萊,等你成日霸哂我啲嘢.

時間飛逝

昨天去了看牙醫,說來我們已經相識了差不多二十多年了.我懷着女兒時到他處檢查牙齒,那時他剛剛新婚,現在女兒十七歲,兒子十五歲,他還是那樣子,永遠笑面迎人,十分專業.

牙醫助護笑着說我上次來檢查已是五年前了,我說你看不見我緊張到出手汗,若非不得已,我也不會來找他呢!

走時我相約2008年再見,他們說為什麼?我笑說明年對我來說是一個值得記念的一年,因為很多供款都供完了,到時那副牙齒都是大修的時候,牙醫大聲應說,2008年見吧!!!!!

草宴

每日都要食新鮮嘅草,呢一刻係全日最融洽嘅時候.

可愛的寶寶

阿女教我第一次post video,好興奮!!

今天我們要剪指甲,好恐佈!

今天媽咪話我地啲指甲好長要剪,我寶寶最憎人搞我啲手腳,不過上次我病時,媽咪已問咗醫生點算,個衰鬼vet教媽咪擺我入個大洗衣袋入面,我就會咬唔到佢,多得佢囉!,我同卡萊今日超驚,唯有乖乖地受'剪'啦!!!!!

摩打腳的卡萊

你們好,我是卡萊.

媽咪改了我叫摩打腳卡萊,因為我來無蹤,去無影.

不消一秒,已走到他們的腳下,嚇到他們死死吓,有次媽咪連鑊鏟都掉埋.

更有一次,媽咪洗菜時,我飛埋去,搞到我跌了落洗碗盤,變了落湯雞,鬼死咁瘀.

新開始

2007年已經開始了.

往年的不如意事,不想記,但不敢忘.人總要向前望.

香港人是幸福的一群,沒什麼大的天災人禍,經濟好,又有祖國照住,無往而不利.

反觀人心就不好了.太過著重物質,金錢和急功近利.仁心沒有了,愛心少了,社會暴力了.

希望新的一年,大家會更加珍惜生命,其實做人簡簡單單,才是福氣,你們說是嗎?