短片放送(下)

呢隻桔真係好搞笑

卡萊乖乖豬,好抵錫

柑柑小甜甜,左眼有D鬥雞,所以我地成日叫佢睇開D

至百厭個位,桔大少

 

短片放送(上)

好耐都無同貓地拍movie,今次一次過睇多啲!

因為Yahoo嘅昂居制度,所以要分上下兩節.

柑柑好鍾意睇我同金魚換水

佢地好like我自製嘅da bird,岩岩先玩完都唔厭,仲想玩

 

加油呀!

今日高考放榜,囡囡考到四條D.讀得果四科,都唔知幾驚佢唔掂,肥一科都會唔合格.

其實呢九個月對佢黎講真係一d都唔易過,屋企發生咁多不如意嘅事,多多少少影響到佢嘅心情,加上囡囡F6同F7呢兩年先至叫做讀吓書,都考到咁嘅成績,算係唔錯!

希望佢有大學收啦!

騎哩睡姿(二)

接住黎到柑柑,因為閃光燈閃醒咗佢

同阿哥一齊,同場加映阿桔獨有嘅吊頸式睡姿

瞓得好甜

阿哥攬攬

三隻貓跳哂落個籃度

---完---

騎哩睡姿(一)

所有貓奴都愛看,首先是大姐姐卡萊

正常貓有的正常睡姿,請留意污衣籃入面仲有一件,隻喵腳突咗出黎

偶然都會佻皮吓,露吓粉紅肚肚

跟住出場係花靚仔阿桔,

'希特拉'式

仲有鍾意同啲污糟衫一齊瞓

續.......

家無寧日

不是說笑,今天連後園左邊的鄰舍也裝修了.

最近我住的屋苑樓宇買賣暢旺,我家前,後左右的單位都在成交後進行翻新工程,我已成了居住在這條街樓齡最長的住戶,有幾耐?是接近19年了.女兒那時剛剛歲半有多,現在已長得婷婷玉立了,看著一個個熟識的鄰居搬走,心裡很不捨,很無奈.

這種燥音,可能要捱上兩,三個月,家中貓咪也煩到坐立不安,女兒更說勁想爆粗,好彩最近天雨連綿,灰塵被雨水沖淡了,否則我可日日忙著抹塵呢!

 

激到我死!

今日一起身已經被阿桔激到我紮紮跳,惡行如下:

(1)-咬厠紙

(2)-玩蟻藥

     註:我已經將藥放在柜下,他竟然推開那個重物柜,用手抓散D藥

(3)-在浴缸玩到連浴廉都差D扯低

(4)-今朝落大雨,我出露台收衫時,唔聽勸告,沖咗出去,俾雨淋濕個身

(5)-極度危險,佢跳左上去個柜度伸手搞個開著咗嘅抽氣扇

唉!呢個仔唔知幾時先生性.

麻煩的桔桔

桔桔係一隻好硬脾氣嘅貓仔,聲氣又多,郁啲就喊生哂,教佢唔好抓梳化,佢就偏偏要係你面前係咁抓,一副你吹我唔脹嘅表情,連妹妹柑柑都知道媽咪會鬧,識得自動自覺去抓抓板.

桔仔有舖食貓砂嘅習慣,我用嘅係豆腐砂,佢一見我倒新貓砂就會係厠所度係咁食,今朝仲咬爛咗袋砂,唔知佢食咗幾多落肚.

平時佢都已經好為食,成日偷食我地啲食物,有次連啱啱調咗味嘅生牛肉都照食,嚇到我死!

拿!佢又黎喇!

E!有餸頭餸尾喎!

好味道!

下底仲有啲正野喎!

你地話丫,係咪睇少眼都唔得吖!

不過唔知點解,卡萊特別錫佢,真係貓夾貓緣.

桔桔同柑柑好親密.

而柑柑呢,就好嗲媽咪.今日唔知有咩新聞呢?

媽咪:柑女呀,你咁媽咪點睇報紙呀?

 

萬惡金錢

自問從來都不是個溫柔的女人,為人性急,剛直.'不為三斗米而折腰'是小女子由學校出來社會工作,時常掛在口邊的座右銘.

好些人看準了我的性格,時常都給人'搵丁',白做了許多工作而分文不獲,但我并不在乎,袛想他們欣賞我幹出來的成績,看見事情得以解決,心裡總是快樂的呀.

欣賞我的人會好喜歡我,因為我絕對不會在金錢上和你斤斤計較,沒有機心,權既不會爭,錢更不會和你分.

在銀行裡做了好幾年,看盡人生百態,時常警惕自己不要做金錢的奴隸,人活著還有許多事要照顧,金錢雖然可以解決很多生活上的問題,但我相信絕不能買來人的能力,愛心和幸福,更不能買回已逝去的生命.

汶川大地震,給我拾回對人失去信心的想法,人性本善,但是人性最可怕的就是敵不過金錢的誘惑,那些在地震裡完全粉碎的豆腐渣校舍,起建的人良心何在?

錢真是那麼重要,令你們失去感覺,人性和良知?????