麻煩的桔桔

桔桔係一隻好硬脾氣嘅貓仔,聲氣又多,郁啲就喊生哂,教佢唔好抓梳化,佢就偏偏要係你面前係咁抓,一副你吹我唔脹嘅表情,連妹妹柑柑都知道媽咪會鬧,識得自動自覺去抓抓板.

桔仔有舖食貓砂嘅習慣,我用嘅係豆腐砂,佢一見我倒新貓砂就會係厠所度係咁食,今朝仲咬爛咗袋砂,唔知佢食咗幾多落肚.

平時佢都已經好為食,成日偷食我地啲食物,有次連啱啱調咗味嘅生牛肉都照食,嚇到我死!

拿!佢又黎喇!

E!有餸頭餸尾喎!

好味道!

下底仲有啲正野喎!

你地話丫,係咪睇少眼都唔得吖!

不過唔知點解,卡萊特別錫佢,真係貓夾貓緣.

桔桔同柑柑好親密.

而柑柑呢,就好嗲媽咪.今日唔知有咩新聞呢?

媽咪:柑女呀,你咁媽咪點睇報紙呀?