想貓

從來就袛有他們最能觸動我的情緒.

祈福

我柑柑每日都會好誠心咁同媽媽祈福.希望媽媽身體健康.

阿哥你唔好阻住我祈福啦!

如果無咗媽咪照顧我地,我地點會有覺好瞓,你睇阿桔同爹地瞓得幾C服

因為媽咪好勤力咁打掃屋企,趁住佢抺梳化,我地又玩一餐

我大隻桔舉手撐腳支持阿柑嘅'祈福大行動'

我肥卡都'瞓身'支持呀!!!!!

與醫生的一席話

覆診了,所有的指數都不理想,猶其是壞膽固醇的數據最不好.

以下是對話內容:

醫:  唔!唔係咁理想.以你膽固醇嘅度數,其實要開始食降膽固醇藥,不過我就俾多6個月時間比你去改善,其實都係病從口入,以後要食清淡啲,少鹽少油.

我: 知道喇!( 好似特赦咁!)

醫:  食咗幾個星期降血壓藥覺得點?今朝姑娘同你度都仲係好高喎!

我:  今朝因為要空肚,所以我無食到粒藥,可能要見你所以緊張啫!

       (醫生都好靚仔吓!哈哈!)

醫:  唔!食藥之後嘅每日記錄都唔錯,有無覺得邊度唔舒服?

我:  我覺得自己有啲抑鬱,情緒低落.

醫:  (大反應)係咩!點解覺得係咁?

我:  以前如果啲人做得唔好,做唔到我要求,或者激嬲我.我就會即刻發火.伊家我好似俾 唔到反應,無曬火氣.覺得無氣力,要等到過咗下晏先會識鬧人.唔知係咪啲藥力過咗先正常番.

醫;  (笑)係呀!我未聽過食咗降血壓藥會有情緒嘅問題,我諗係你身體未適應啫.本應我想俾長啲時間嘅藥比你,而家你就食多6個星期呢隻藥,如果仲有咁嘅感覺,或者更加差,你就要聯絡番我,可能會轉過第二隻藥.

我:  仲有,我老公成日唔俾我郁,又唔俾我搞野,咁好悶嫁麻!

醫:  (笑淫淫)佢做乜唔俾你搞野呀!搞啲野好呀!咁你想搞啲乜吖?

我:  翻新全屋油漆囉!

醫:  (估唔到嘅表情)哦!唔怪得佢唔俾你搞野啦!!!

 

 

身體抱恙

唉!去完新加坡返黎,唔夠兩日就病咗,差唔多成個禮拜先好返,患病期間,係診所量血壓,發現高咗好多,成177/117,家庭醫生話可能係感冒影響到,等感冒好番先至算.但係我懷疑未去旅行前已經係咁.

發覺個心跳得好厲害,仲唔瞓得,成日手腳冒汗.老公即刻同我睇專科,佢驚我有心臟病.伊家做咗初步檢查,唔係個心有事,但係血壓就過高,專科醫生要我食降血壓藥同去水丸,減低高血壓對腎臟嘅影響,我E家足足瘦咗成6磅有多,日日度住血壓,正常番好多,最緊要瞓得好啲.

月尾要再去抽血,要搵出血壓高嘅原因,咁大個囡都未驗過身,今次真係黎一次'驗明正身'呀!!!!

新加坡美食

去到新加坡,更係唔會放過呢到啲美食,不過好可惜因為掛住食,好多時都唔記得影相,唯有繪影繪聲咁試吓用文字形容俾大家聽啦!

第一日,因為4點幾先至起飛,去到新加坡過埋移民局都成8點有多,重要到酒店check-in,所以飛機餐當係晚餐喇,我驚會肚餓,搭的士前食多個老麥算數.

三日早餐都係係酒店嘅餐廳食,無乜特別,亦唔方便影相,當日午餐去咗牛車水嘅Maxwell  Food Centre度食海南雞飯,呢間野好出名,不過我就覺得一般,我老公排隊都排咗成半粒鐘..

我就走咗去買黑菜頭棵(即係炒蘿蔔糕)..

加多一碗魚肉魚湯米線,(用新鮮魚肉起肉炸香,泮新鮮魚湯)不過阿囡話唔夠荃灣個'三鮮魚湯米線'啲湯底咁正喎!

三杯凍飲,左前:鮮草荳奶,右前:菁檸水,後中:鮮草凍飲.

                          鮮草即涼粉.

下午都係附近嘅China Town 蹓蹥,呢個車仔檔啲糕點都唔錯,唔太甜,竹筒糕因為太飽無食到..

夜晚我地就係呢條食街度食..

個晚主菜係呢個,辣椒蟹,超好味,隻蟹好新鮮,不過真係好辛辣..

我加左波菜豆腐同檸檬雞,同樣好好食.

將波菜搞成波菜糊,舖係豆腐上,加紫菜幾片,然後炸香,伴冬菇絲蠔油汁,檸檬雞就同西檸雞差唔多!

串燒我地反而無食,因為好似話要至少十串上,我地得3丁人.點食得曬,況且香港啲串燒成日都食到,放棄算吧.

第3日去咗烏節路(Orchard Road),lunch 入咗個商場嘅Food Court度食,無影到相,因為都係食湯麵,但係就食咗好好食嘅甜點....

綠色嘅全部有加班蘭葉,好香唔太甜,yummy呀!!!!

新加坡地道食品都好濃味,唔係偏甜就係偏咸,所以個晚我想食清啲,咁就去Clarke Quay度食日本野....

呢餐係全程最貴嘅消費,食咗S$110幾.

好喇咁就講完,如果大家有興趣,就去玩吓食吓啦!!!!

 

 

新加坡之行

8月24號去咗新加坡4日,老公講咗好多次要過去睇吓,咁就趁住個囡未開學,一齊過去玩.

因為我要坐A380空中巴士,但係暑假期間爆滿,要過咗暑期高峰先至有位,不過我就覺得新航啲服務唔及得國泰咁好質素.

可以睇movies ,聽歌,打機都得,唔錯!

去程編咗坐中間嘅4人位,飛機餐一般,不個囡囡話好食= =.......

3個幾鐘先至到....

即刻落去搭地鐵,我book個間酒店唔近downtown....

新加坡地鐵飛,要俾S$1按金買嘅.....

去到酒店,話就話係5星,我覺得唔似囉!最多係4星咋!窗外景.....

呢幾棟私人樓幾grand,個露台好鬼大,個泳池好正,

第二日出去行吓,好多好高好靚嘅buildings,多數都係金融機構同酒店,

酒店黎架,前面個3個石像好特別..

呢間都係,6星級.....

魚尾獅係必到景點..

摩天輪,我地冇去玩,阿囡話低B喎....

去咗遊船河,幾貴!我地唔係坐呢種船.....

沿途會經過好多景點,

夜晚更加靚,

牛車水,即係China Town,唯一叫做有啲野買吓,其實新加坡啲商業活動好唔掂,啲產品質素同香港差成截.

第二日出咗去Orchard Road,好似香港嘅Nathan Road,好多商場,呢間叫義安城,入面間百貨公司算好行架喇,

好快就玩完.

打道回香港,新加坡機場種滿蘭花,好靚...

總括黎講,新加坡好似加拿大一樣,俾我一種安恬嘅感覺,天氣唔算熱,空氣好,樹木多,街道闊,人口唔多,唔同種族各佔一方,乾淨同埋治安好,不過祗適合退休人仕,如果想要高質素同高效率,都係留番係香港喇!

 

卡萊牙患之後篇

真係唔好意思,上個月提過卡萊啲牙有事,跟住就冇再跟進,請大家見諒.

原本係約咗睇開卡萊個獸醫Dr.Gerry,不過佢就調咗去屯門個邊,變咗要過多幾日先至有位,如是者我就每日咁同佢用住潔齒gel,點知都等唔切獸醫個booking,隻牙已經自己甩咗出黎,咁我又慳咗一筆,卡萊又唔駛麻醉,不知幾歡喜!!!!!

卡萊唔覺佢自己啲牙越黎越少.......

因為八月份有啲野搞,同埋要安排月尾去新加坡,所以無時間出卜.

但係都有為貓地添咗兩部新水機,佢地都好幫趁.......

阿桔同阿卡拍住黎瞓,你估邊隻係邊隻吖?

呢隻桔,好鬼好肉地....

柑柑都仲係細細粒,唔知佢係咪唔吸收呢 = = !!!!!!!

睇住咁多先啦!!!!

Byebye,