本來阿柑病好,應該好開心,點知又黎個日本九級地震,震到我個心都實哂,無晒心機,天災人禍,真係避都避唔到.
講返阿柑之前肚痾,睇左第3次醫生,佢話阿柑身體已經好脫水,一就係吊皮下水,二就係服用電解水,不過要人手餵,我即時回答人手餵無問題,因為我時不時都自己餵水俾佢地飲,佢竟然話"Good!"喎!
咁之前另外一個獸醫又話我唔應該咁做,咁即係點呀?
貓咪病嘅時候,食藥都係藥水黎,真係好彩我平時訓練有數,餵藥飲水完全無難度,所以我已經恢復佢地嘅唧水行動,回復正常.
沒有留言:
張貼留言