激到我死!

今日一起身已經被阿桔激到我紮紮跳,惡行如下:

(1)-咬厠紙

(2)-玩蟻藥

     註:我已經將藥放在柜下,他竟然推開那個重物柜,用手抓散D藥

(3)-在浴缸玩到連浴廉都差D扯低

(4)-今朝落大雨,我出露台收衫時,唔聽勸告,沖咗出去,俾雨淋濕個身

(5)-極度危險,佢跳左上去個柜度伸手搞個開著咗嘅抽氣扇

唉!呢個仔唔知幾時先生性.

麻煩的桔桔

桔桔係一隻好硬脾氣嘅貓仔,聲氣又多,郁啲就喊生哂,教佢唔好抓梳化,佢就偏偏要係你面前係咁抓,一副你吹我唔脹嘅表情,連妹妹柑柑都知道媽咪會鬧,識得自動自覺去抓抓板.

桔仔有舖食貓砂嘅習慣,我用嘅係豆腐砂,佢一見我倒新貓砂就會係厠所度係咁食,今朝仲咬爛咗袋砂,唔知佢食咗幾多落肚.

平時佢都已經好為食,成日偷食我地啲食物,有次連啱啱調咗味嘅生牛肉都照食,嚇到我死!

拿!佢又黎喇!

E!有餸頭餸尾喎!

好味道!

下底仲有啲正野喎!

你地話丫,係咪睇少眼都唔得吖!

不過唔知點解,卡萊特別錫佢,真係貓夾貓緣.

桔桔同柑柑好親密.

而柑柑呢,就好嗲媽咪.今日唔知有咩新聞呢?

媽咪:柑女呀,你咁媽咪點睇報紙呀?

 

萬惡金錢

自問從來都不是個溫柔的女人,為人性急,剛直.'不為三斗米而折腰'是小女子由學校出來社會工作,時常掛在口邊的座右銘.

好些人看準了我的性格,時常都給人'搵丁',白做了許多工作而分文不獲,但我并不在乎,袛想他們欣賞我幹出來的成績,看見事情得以解決,心裡總是快樂的呀.

欣賞我的人會好喜歡我,因為我絕對不會在金錢上和你斤斤計較,沒有機心,權既不會爭,錢更不會和你分.

在銀行裡做了好幾年,看盡人生百態,時常警惕自己不要做金錢的奴隸,人活著還有許多事要照顧,金錢雖然可以解決很多生活上的問題,但我相信絕不能買來人的能力,愛心和幸福,更不能買回已逝去的生命.

汶川大地震,給我拾回對人失去信心的想法,人性本善,但是人性最可怕的就是敵不過金錢的誘惑,那些在地震裡完全粉碎的豆腐渣校舍,起建的人良心何在?

錢真是那麼重要,令你們失去感覺,人性和良知?????

生活照

大家看相吧!

這個籃大家都鍾意係度瞓,卡萊就黎迫爆個籃,

柑桔兩個一齊都有小小危危乎,

桔仔最like自己霸哂

瞓床就最舒服啦

柑桔都識睇電視架

桔仔同卡萊等食

佢地好多時都一齊瞓

睇佢地幾親密丫,係咪好羨慕呢!!

 

一方有難,八方支援

四川地震,死了許多同胞,心裡很難受!太慘情了,各位捐了款未???

 

我家有隻大嚿柑

柑柑的size一向細粒,我怕佢養唔大,所以學古時D人咁,同佢改個個別名叫做'大嚿柑'!

叫得多,自然就會大件啲!

雖然'貓'仔細細,又好鬼靈活;

我老公從來唔會同貓玩,但係'大嚿柑'就例外,佢會攞起啲玩具同佢玩,仲猛咁叫佢個名,佢話勁like呢隻貓仔喎;

嗱!有相為證,真係大隻咗!

其實因為桔桔成日食埋阿柑個份,搞到阿柑食得好少,咁就自然唔長肉啦!所以我要負責守護阿柑,等佢阿哥唔可以食佢啲餅,咪當堂大隻番!

桔桔的第一次

其實標題應該係桔桔的第一次衰野!

佢係星期五晚,無端端走咗去放係梳化嘅貓床度小便,因為我無即時鬧佢,所以佢唔知道自己做錯事,我同Liza講電話,佢話下次佢再係屋入面亂咁痾就要即刻鬧佢同收監,等佢知錯.我個晚都罰佢瞓籠,之後個2日我好留意佢嘅一舉一動,佢乖乖咁係貓廁度痾小便我就連除讚佢乖仔,所以暫時黎講佢都未有重犯,希望佢真係要聽話,如果唔係我真係唔知點搞喇!!!

呢隻衰豬,重一啲都唔怕吸塵機添.

睇見佢一日一日咁長大,好有滿足感!

兩條豬腸粉