為食仔

阿桔不嬲都好為食,每次都要好小心,要放好啲食物,一唔留神,就會比佢食哂!

今次煮嘅餸好香,引咗個為食仔入廚房.

 

是夜菜式: 肉片聖瓜,波羅咕嚕肉

努力呀!

呢排媽媽有啲野搞,冇出到卜,唔知你地有冇掛住貓地呢?

媽咪同我地講話貓貓人嘅大頭哥哥病咗,伊家佢地搞緊義賣,希望大家支持!

桔仔: 我瞓身支持

柑柑:大頭哥哥,你要加油呀

卡萊:我都瞓住黎支持啦!

柑柑: 我地嘅身體係好脆弱架,你地要好留意我地嘅日常生活同埋身體嘅變化,如果唔係,等到我地病咗,就慘慘喇!!!!!

 

感同身受

前幾日知道貓貓人嘅大頭病咗,真係好担心,其實我地做主人嘅,真係好怕啲囝囝囡囡有事,貓貓人講到'寧願自己病,都唔想佢病!'真係講出哂我地做人父母嘅心聲!

1990年我由香港島搬入黎新界,有一次係街上見到有人賣狗仔,個條友仔仲大大聲話用黎炆就最好喇!我見到個隻可憐嘅唐狗仔好傻氣咁以為自己搵到主好人家,佢點知道啲人係買佢返去食架!

終於佢成為左我第一隻養嘅乖女喇,取名"力力",身價係$35元正.從此我地好開心咁生活,直到有一日我老媽子唔小心俾佢走咗出街,唔見咗幾個鐘,我係公司急忙趕返黎,好彩搵番佢,但係阿力未做絕育手術,所以就即刻安排,個陣元朗無獸醫,我就同佢去咗旺角太平道嘅獸醫度做手術,點知惡夢開始喇!

唔知點解,阿力做完手術之後,得咗個怪病,佢對耳仔成日好似有野咬咁,佢不停咁fing個頭,仲猛咁用腳去抓對耳,對耳俾佢搞到流血,佢連行都行唔到直線,睇親醫生就要麻醉佢,前後都成5,6次,都搵唔到原因.

每次佢麻醉咗我都好驚佢醒唔返,係咁拖拖拉拉咗一段時間,見佢好辛苦,我亦都心力交瘁,聽從醫生嘅建議,俾佢安祥咁離開,唔駛再受病魔嘅折磨.

見到啲寶貝病,真係慘過自己病,最慘係佢地唔可以話到俾你聽佢地邊度唔舒服,要慢慢去搵原因,啲醫藥費就好似倒水咁.

錢駛咗唔緊要,最緊要係有得醫!

希望大頭努力,快啲好番,貓貓人你要加油呀,我地好多人支持你架!

影片放送

上星期好好天,就同佢地洗白白

第二晚晚上,錄咗呢段片

 

三隻貓貓一個墟

柑桔入咗我家門都超過咗成六個月喇,

以前

E家

舊屎成日打交,E家friend 個打band,

心形睡姿

識得分享

搭尾巴

連成一線

阿桔仍然係咁,訓到騎騎呢呢

柑柑好斯文

因為廚房無門,成日俾佢地搞住曬,啲餸好多時都多咗貓毛係度,

器皿要洗完又洗

一日嘅時間好快就過!!!!

 

好人一個

不知不覺,京奧又完結了,這十多天很充實,日日看體育節目,開心到不得了,全條街最嘈算是我這家呀,看得投入,國家隊更投入,金牌數字破了記錄,可喜可賀!

說回自己,身體都沒怎樣,血壓如何?我自己都懶得去量,所謂該死不用病,順其自然.

上月柑桔兩兄妹做了絕育手術,女兒成功入讀理大,也倒是放下我的心頭大石.

看著寶貝貓兒和他們快快樂樂的過每一天,人生如此,乎復何求?

兩金一銅

先生們,女士們,第一金---------肥貓卡萊 ,得獎項目[最肥]+[短跑王]

卡萊: 唔係碼?咁都第一,媽咪你究竟見過真正嘅肥貓未?短跑王,唔敢當,係你地跑得慢啫,嘻嘻!

 

第二金--------阿桔,得獎項目[殺食] 註:食量驚人

桔仔: 我抗議! 男仔梗係食多啲嫁喇!!!

第三,一銅,得獎者阿柑,項目[體形]

柑柑: 我身形輸咗俾卡姐同阿哥,得第三咋!我要食多啲先至得喇!

媽咪:  我袛不過係跟你地啲毛色去頒獎之麻!好襯吖!!!!!!!!!