秋風起,三貓肥之二

今云輪到阿桔同阿柑,佢地兩兄妹,十足黑白無常咁,永遠都係行動一致,互相呼應!

平時柑柑好似好乖,但係玩起上黎,唔係'貓'咁品,

至於阿桔,唔屎講,係罪惡之源,但係又好鍾意痴身痴勢:

週圍搞搞震;

兩隻野,如影隨形;

好喇!拜拜!!!!

秋風起,三貓肥!

阿桔嘅prison break,引起各界嘅擔心,真係唔好意思.有時日日見住佢地,唔留意到佢地已經大個囝同大個囡,有啲設施係要定時跟進同監察嘅,而且每隻貓咪嘅性格都唔同,好似卡萊咁,就好少見佢周圍跳,出露台玩都係追吓雀仔同曬吓太陽

反之柑桔兩兄妹,就真係無時停,跳跳紮咁,睇少一眼都唔得!

好喇!伊家先睇吓卡萊嘅肥腩先!

下星期肥卡要打預防針,醫生實話佢肥.

下次講柑桔.

 

 

逃

上星期在工作中聽見喵喵聲,數數家中的貓咪,大驚,少了一隻.

原來阿桔跳了出露台,走到了帳篷上曬太陽,急忙用玩具引了他回來,趕快做維修工程,免得他又離家出走.

曾經想過不給他們出露台,但是見不到藍天白雲,不能曬日光浴和雀鳥近距離接觸,都是憾事.

工程完成,祗要肯定他們無危險,還是繼續貓貓們的自由生活吧!!!!

哥哥頑皮,柑柑有樣學樣!

為食仔

阿桔不嬲都好為食,每次都要好小心,要放好啲食物,一唔留神,就會比佢食哂!

今次煮嘅餸好香,引咗個為食仔入廚房.

 

是夜菜式: 肉片聖瓜,波羅咕嚕肉

努力呀!

呢排媽媽有啲野搞,冇出到卜,唔知你地有冇掛住貓地呢?

媽咪同我地講話貓貓人嘅大頭哥哥病咗,伊家佢地搞緊義賣,希望大家支持!

桔仔: 我瞓身支持

柑柑:大頭哥哥,你要加油呀

卡萊:我都瞓住黎支持啦!

柑柑: 我地嘅身體係好脆弱架,你地要好留意我地嘅日常生活同埋身體嘅變化,如果唔係,等到我地病咗,就慘慘喇!!!!!

 

感同身受

前幾日知道貓貓人嘅大頭病咗,真係好担心,其實我地做主人嘅,真係好怕啲囝囝囡囡有事,貓貓人講到'寧願自己病,都唔想佢病!'真係講出哂我地做人父母嘅心聲!

1990年我由香港島搬入黎新界,有一次係街上見到有人賣狗仔,個條友仔仲大大聲話用黎炆就最好喇!我見到個隻可憐嘅唐狗仔好傻氣咁以為自己搵到主好人家,佢點知道啲人係買佢返去食架!

終於佢成為左我第一隻養嘅乖女喇,取名"力力",身價係$35元正.從此我地好開心咁生活,直到有一日我老媽子唔小心俾佢走咗出街,唔見咗幾個鐘,我係公司急忙趕返黎,好彩搵番佢,但係阿力未做絕育手術,所以就即刻安排,個陣元朗無獸醫,我就同佢去咗旺角太平道嘅獸醫度做手術,點知惡夢開始喇!

唔知點解,阿力做完手術之後,得咗個怪病,佢對耳仔成日好似有野咬咁,佢不停咁fing個頭,仲猛咁用腳去抓對耳,對耳俾佢搞到流血,佢連行都行唔到直線,睇親醫生就要麻醉佢,前後都成5,6次,都搵唔到原因.

每次佢麻醉咗我都好驚佢醒唔返,係咁拖拖拉拉咗一段時間,見佢好辛苦,我亦都心力交瘁,聽從醫生嘅建議,俾佢安祥咁離開,唔駛再受病魔嘅折磨.

見到啲寶貝病,真係慘過自己病,最慘係佢地唔可以話到俾你聽佢地邊度唔舒服,要慢慢去搵原因,啲醫藥費就好似倒水咁.

錢駛咗唔緊要,最緊要係有得醫!

希望大頭努力,快啲好番,貓貓人你要加油呀,我地好多人支持你架!

影片放送

上星期好好天,就同佢地洗白白

第二晚晚上,錄咗呢段片