本來阿柑病好,應該好開心,點知又黎個日本九級地震,震到我個心都實哂,無晒心機,天災人禍,真係避都避唔到.
講返阿柑之前肚痾,睇左第3次醫生,佢話阿柑身體已經好脫水,一就係吊皮下水,二就係服用電解水,不過要人手餵,我即時回答人手餵無問題,因為我時不時都自己餵水俾佢地飲,佢竟然話"Good!"喎!
咁之前另外一個獸醫又話我唔應該咁做,咁即係點呀?
貓咪病嘅時候,食藥都係藥水黎,真係好彩我平時訓練有數,餵藥飲水完全無難度,所以我已經恢復佢地嘅唧水行動,回復正常.
可憐嘅柑柑由上星期一唔舒服,嘔嘔至肚瀉不止,足足5日.到星期六先至停止,足足輕左半公斤,
成隻落曬形
好彩有哥哥鍚番,阿桔一啲病徵都無,醫生話因為佢強壯,鬼咩!咁食得....
卡萊都係星期三發病,不過打左支針同食左一次藥就好番,呢兩日啲便便正常.
睇黎阿柑以後都要食好啲,等佢好似阿桔同卡萊咁強壯.
星期一左右已經發覺阿柑唔多對路,無食野仲嘔黃胆水,痾軟便,即刻睇醫生,打左支止嘔針.
第二日痾水,卡萊就開始病發,唔肯食野同嘔,病徵同阿柑一樣,急急再睇醫生.
柑柑驗血,除左脫水,其他數據無事,所以卡萊免左唔駛抽血,剩係打支止嘔針.2隻都要打皮下水.
點知今日柑柑仲痾左成3次咁多,卡萊就好番好多,唉伊家約左獸醫7點見,睇黎財爺俾我啲錢都係進貢曬比醫生喇!
柑柑你唔好再肚痾喇!我好心痛呀!!
呢幾日發現阿柑又痌又嘔, 今日帶左佢去睇醫生
打左支針宜家精神番好多!
見醫生果陣傾到唧水問題,
原來係冇需要 + 好危險! 因為會好容易落錯格...
醫生話: 貓貓本身唔鐘意飲水, 唯有比多d 罐頭佢地食, 等佢地可以吸收多d 水份,
而不應該force 佢地飲~
咁樣既浪費時間, 又危險...
其實我本意想為佢地好, 但原來係傷害到佢地~
以後決定停止唧水!
阿桔: 各位! 我冇事!! 佢地兩隻就唔舒服! 可能有我D 肥膏頂住~
阿柑病發前...
宜家輪到卡萊病發...
阿柑 : 媽咪過左年仲買花做乜？
媽咪 ：點解唔得呀？過左年啲花好平，我今年過新年都無買到花，剩係買左對桔咋！
呢棵桃花就係媽咪年初六用左２佰幾蚊買架．．．不過真係好靚！
啲花好密呀！
引左好多蜜蜂黎
希望今年我地一家花開富貴啦！
卡萊 ：我地幾個要貓肥屋潤喎！
半年一次嘅杜蟲行動，順利完成！
去獸醫度配藥要先同佢地磅重，
卡萊 ： ５．５kg
阿桔 ： ６．３kg
阿柑 ： ４．０kg
最肥冠軍，肥仔桔
今日年三十.新一年就到,祝大家兔年如意吉祥,身體健康.
柑: 媽咪我唔制呀!大節流流你咁搞,我今年如果唔順利,唯你事問!
柑: 各位,你地睇吓.媽媽唔小心剪齊左我左邊啲鬚,搞到我破相!
媽咪 : 對唔住囉!邊個叫你我剪草嗰陣你隊個頭埋黎喎!
大帝每日都會食新鮮草架.
卡萊對足球運動好有興趣呢...
桔 : 阿媽呢排勤勤做清潔,迎接新年,我負責看守住啲咕臣芯
桔 : 好舒服喎!媽咪可唔可以俾我當係床呀?
.
