擺脫

金毛狗女阿Sa走了.

點解有啲咁嘅人渣

係我屋企條街有隻金毛狗女阿Sa,佢個人渣主人知道佢有病都唔出錢同佢睇醫生.

話說上星期尾個印傭姐姐照樣同佢行街,阿Sa突然暈左,姐姐抱佢返屋企途中遇到做護士嘅街坊太太剛剛下班,即時車佢去睇獸醫,醫生話3日內唔得就要'走',街坊太太當然要同佢2個PK主人講,點知佢地話無錢唔會醫佢,正人渣!連出錢打毒針都唔會俾錢.

街坊太太就係之前死左嘅唐狗阿黃嘅主人,佢地2公婆當啲狗係囝囡咁樣看待,佢見咁情形,就吩咐佢老公星期六放假接番阿Sa返屋企住多幾日,因為湊大佢個姐姐好傷心,好唔捨得,而且阿Sa仲有爸爸Solar,俾佢地兩父女見多幾面,街坊太太同姐姐講,你幾時ready就會車佢去sleep架喇,街坊太太會負責啲費用.

今朝我去睇阿Sa,忍唔住啲眼淚係咁流,姐姐喊到收唔到聲,真係好慘!不過伊家我都唔清楚究竟阿Sa有乜野病,因為我仲未見到街坊太太,兩個印傭姐姐又話唔知醫生講乜.

總而言之,無愛心就真係唔好養動物啦!

後記: 剛剛見到街坊護士太太,問佢阿Sa嘅病情,原來係慢性腎衰竭,無得醫,不過街坊太太話佢唔會咁快要阿Sa打針,如果佢主人唔要同唔照顧佢,佢會接阿Sa返屋企,俾佢好好地過埋呢段日子,不竟阿Sa只不過3,4歲,真係好可惜,我地2個不其然又流眼淚......

迎夏

夏天終於都黎到,最近忙換季,洗被.曬被,幫大帝佢地洗貓床同被,搞到人都散哂!

阿桔曬到咪哂眼

幾嘆!

柑女都一齊曬

卡萊都話好舒服

夜晚齊齊係廳倍媽咪睇電視........

你想點?

頂!

Yahoo Blog真係好癈,我啲訂閱卜去曬邊??????

阿黃好走

今早街坊的印傭姐姐找我,說唐狗黃仔今早走了,太太著她前來告訴我.

我問黃仔是否仍在家?可否見他一面,她說太太就是說不知我想不想?

到她家,街坊太太引見,黃仔很安祥,走時不痛苦,眼淚忍不住不停的流,他是一隻很可愛的唐狗,樣子很像日本的秋田犬,有許多老人病,不竟19歲,是人瑞犬了.

 

事後檢討

本來阿柑病好,應該好開心,點知又黎個日本九級地震,震到我個心都實哂,無晒心機,天災人禍,真係避都避唔到.

講返阿柑之前肚痾,睇左第3次醫生,佢話阿柑身體已經好脫水,一就係吊皮下水,二就係服用電解水,不過要人手餵,我即時回答人手餵無問題,因為我時不時都自己餵水俾佢地飲,佢竟然話"Good!"喎!

咁之前另外一個獸醫又話我唔應該咁做,咁即係點呀?

貓咪病嘅時候,食藥都係藥水黎,真係好彩我平時訓練有數,餵藥飲水完全無難度,所以我已經恢復佢地嘅唧水行動,回復正常.

病後初愈的阿柑

可憐嘅柑柑由上星期一唔舒服,嘔嘔至肚瀉不止,足足5日.到星期六先至停止,足足輕左半公斤,

成隻落曬形

好彩有哥哥鍚番,阿桔一啲病徵都無,醫生話因為佢強壯,鬼咩!咁食得....

卡萊都係星期三發病,不過打左支針同食左一次藥就好番,呢兩日啲便便正常.

睇黎阿柑以後都要食好啲,等佢好似阿桔同卡萊咁強壯.