卡萊革命成功??

換了個新貓厠,卡萊都不是那麼喜歡,心想袛要給她一點時間,希望她會適應,怎知昨天傍晚她表態了.

話說他們正在玩像T-shirt的貓隧道,我剛從厨房步出,看見柑柑彈開,見隧道旁有一灘水,以為他們把飲水器倒番了,但是細看怎麼會是黃色的,大叫一聲,卡萊怱怱走入厠所,原來她賴了尿,老公和囡囡都說她可能不喜歡那個新貓厠,所以忍尿,可是玩得興起,漏了出來.

拿她沒法,死死氣取回大小姐的舊厠,免她再次出醜.

註:日前Liza指點下,知道要堅持卡萊便會接受轉變,所以又重新取回新廁,不過我會揭開蓋,等她方便些使用!

卡萊的煩惱

自從柑桔黎咗我屋企,你話佢地無影響到我嘅生活就假嘅!

雖然媽咪仍然係好錫我,但係因為柑桔兩隻'塞豆隆',搞到我好多野都做唔到,你地話我點會開心吖?

首先就係換咗個貓厠所,有個蓋阻住,搞到我唔識點去'開大',

跟住又唔俾我上雪柜頂,話驚柑桔佢地有樣學樣,會跌死佢地喎!重話如果俾我地上去玩,第日一定爭餐死,成日打交,所以整咗啲咁嘅機關黎慎防我犯規添,

柑桔呢兩隻靚仔,霸哂我啲皇位,

平時日頭我可以入媽媽間房度瞓,E家媽咪連我都唔俾入,佢話柑桔佢地仲細,唔可以出入佢間房住,要等佢地再大隻啲.露台係我最鍾意睇雀仔嘅地方,都唔可以出去玩喇!

仲有佢地仲成日偷食我啲餅,猶其係阿桔,唔知係咪佢個肚生咗好多蟲,食極都唔飽,各位哥哥姐姐你地話我係咪好慘呀?

影片放送

每朝七點幾,就要落樓餵佢地三隻.

食飽飽,全日大部份時間都係瞓,到咗入夜後就精神好多,一齊運動吓

 

快高長大

小朋友已經開始了大個仔的生活,不用住籠屋,改住大屋,但是有些地方仍然是禁地,我的睡房和露台,暫時還未能踏足,因為他們的體形還是太細,怕有意外,這都是為他們的安全著想.

卡萊和桔仔比較融洽,柑柑和哥哥始終感情好好,時常一起玩.

三隻貓實在有些擠:

卡萊的一姐地位:

桔桔的英俊樣子:

柑柑可愛Look:

最後兄妹齊齊玩:

今日報導完畢,謝謝收看.

爛玩怪獸出籠

兩隻爛玩怪終於都放監喇!

爛玩程度A++級

加埋卡萊,唔得掂

可以攪嘅野都盡情去攪去玩,因為實在樣樣都係新事物,宜家我日頭就放佢地出黎,夜晚都係入番籠瞓.

 

 

僭建/擴建?????

雖然個籠已經唔細,但係柑桔佢地成日玩到番天覆地,唯有幫佢地加大個籠啦!

將大細籠合併為一,地方當堂大左!

卡萊之前同佢地隔住個籠玩:

改建完成,卡萊忍唔住去驗吓樓,後來直情入埋去柑桔個籠度睇吓啲地方夠唔夠駛!

媽咪:  喂!卡萊你好出番黎喇!你知唔知你好大份,阻住柑桔佢地呀!!!!!

P.S.今晚柑柑都痾咗的死左嘅蟲蟲出黎,好野!!!!!

阿桔生蟲

獸醫上次同柑桔佢地杜蟲,桔桔係星期日痾咗幾條蟲出黎,今日仲有,不過少咗好多,得兩條啫,希望佢個肚啲蟲無曬啦!真係好肉酸!而柑柑就一條都冇,好叻!

體重柑柑就得0.85kg,即係850克,比哥哥桔桔輕啲,而桔桔就有1kg重,可能以後仲會重啲,因為肚仔啲蟲死曬吖瑪!醫生話要連續杜蟲6個月,之後就每3個月一次.

卡萊已經好心急要同柑桔玩,E家要等到星期天先可以放佢地出黎,到時唔知會點呢?一定七國咁亂囉!

一齊訓覺覺.

桔桔大少幾英俊!

柑柑都唔輸蝕,好靚女!

哥妹情深.

星期日見個天好好太陽,同卡萊洗個靚白白,當堂好似白雪公主咁!卡萊媽咪最鍚都係你,你真係好好好乖呀!

 

 

 

歉意

昨日和柑桔到診所打針,遇到上次和寶寶打毒針的獸醫,很不好意思,只好著女兒自己入去會診.

事原那次因為太傷心,對他說了些很無禮的說話,我說:"Why always is you to put my cat to sleep,I really don't like to see you!"他無奈的回答:"Sorry,I always bring bad luck to you."在我的記憶中,乖乖也是由他送走的.對自己的失言,很是歉疚.和相熟的姑娘說起,她們都安慰我說,他們都是明白的,對於一時間要面對失去的寵物,傷心難過是必然的呀,想他也忘記了你曾經鬧過他呢!

說回柑桔,他們打了針,健康良好,耳蚤的問題其實一早已經好了,祗是我把他們的分泌誤以為是耳蚤未瘉,落藥落多了時間,身上并沒有發現有蚤,不過我也買了支殺蚤水以防萬一,其實這個獸醫真是個很nice的人,真不明白我為什麼會對他那樣,在此向他衷心的說聲對不起!