獸醫上次同柑桔佢地杜蟲,桔桔係星期日痾咗幾條蟲出黎,今日仲有,不過少咗好多,得兩條啫,希望佢個肚啲蟲無曬啦!真係好肉酸!而柑柑就一條都冇,好叻!
體重柑柑就得0.85kg,即係850克,比哥哥桔桔輕啲,而桔桔就有1kg重,可能以後仲會重啲,因為肚仔啲蟲死曬吖瑪!醫生話要連續杜蟲6個月,之後就每3個月一次.
卡萊已經好心急要同柑桔玩,E家要等到星期天先可以放佢地出黎,到時唔知會點呢?一定七國咁亂囉!
一齊訓覺覺.
桔桔大少幾英俊!
柑柑都唔輸蝕,好靚女!
哥妹情深.
星期日見個天好好太陽,同卡萊洗個靚白白,當堂好似白雪公主咁!卡萊媽咪最鍚都係你,你真係好好好乖呀!
沒有留言:
張貼留言