自從柑桔黎咗我屋企,你話佢地無影響到我嘅生活就假嘅!
雖然媽咪仍然係好錫我,但係因為柑桔兩隻'塞豆隆',搞到我好多野都做唔到,你地話我點會開心吖?
首先就係換咗個貓厠所,有個蓋阻住,搞到我唔識點去'開大',
跟住又唔俾我上雪柜頂,話驚柑桔佢地有樣學樣,會跌死佢地喎!重話如果俾我地上去玩,第日一定爭餐死,成日打交,所以整咗啲咁嘅機關黎慎防我犯規添,
柑桔呢兩隻靚仔,霸哂我啲皇位,
平時日頭我可以入媽媽間房度瞓,E家媽咪連我都唔俾入,佢話柑桔佢地仲細,唔可以出入佢間房住,要等佢地再大隻啲.露台係我最鍾意睇雀仔嘅地方,都唔可以出去玩喇!
仲有佢地仲成日偷食我啲餅,猶其係阿桔,唔知係咪佢個肚生咗好多蟲,食極都唔飽,各位哥哥姐姐你地話我係咪好慘呀?
沒有留言:
張貼留言