尋日幾經辛苦,排除萬難,終於係夜晚8點幾先攞到阿桔啲尿液樣本,急急送去診所,返到屋企都未得閒飲杯茶,電話已到,說尿液樣本嘅數據顯示阿桔啲尿液中含有晶體,而且尿液好稀,懷疑個腎可能有問題,今朝一早要同佢驗血.
結果成晚眼光光,非常担心,阿桔咁細個,如果有腎病真係好慘.
今朝醫生同樣講返尋晚嘅情況,話啲尿液正常唔會咁稀釋,除非係大量飲用水,我答唔通係我呢幾日不時force feed佢飲水,同埋尋日因為missed咗佢一次小便,所以係咁每一個鐘就灌佢飲水,醫生都話有咁嘅可能,anyway都要驗血.
數據出咗,我阿桔腎臟指數正常,醫生話佢應該係尿道發炎,食7日抗生素就會好番.不過佢都係建議阿桔轉食處方糧,可以改善佢尿液晶體嘅情況.我問佢可唔可以同其他貓一齊轉埋,咁樣可以方便我餵食,佢答ok.
好開心,今日係除夕,新嘅一年將到,我係度祝大家新年進步,身體健康!!
Happy New Year! Go! Go! Go!
桔: 媽媽我無事你唔駛唔開心喇! 我會聽教聽話架喇!
媽: 聽住先喇!
沒有留言:
張貼留言