阿桔睇醫生

今朝阿桔成朝出出入入個厠所,但係都無尿,因為有3隻貓都唔知邊隻痾過邊隻冇痾,佢呢個情況都有4至5日,不過今朝就特別頻密,所以急急同佢睇醫生.

獸醫檢查過佢膀胱就無覺得個膀胱發脹,佢地試過同阿桔攞啲尿液,不過攞唔到,原來佢已經痾咗係個貓箱啲毛巾度.

獸醫話有3個可能:

1.最近有環境變遷,引發有心理壓力;

2.因為有壓力,導致膀胱有啲組織脫落,所以阻礙排尿,這個可能性多是由本身嘅貓貓基因引致;

3.有尿結石

所以要化驗阿桔啲尿先可以肯定係乜野原因.醫生同佢打咗支消炎止痛針,希望佢去厠所可以舒服啲,同埋開咗啲修復膀胱嘅藥丸佢食.

醫生仲俾咗包唔會吸尿嘅砂俾我,所以今日全日都要留守係屋企,服侍呢位大少.

桔:  媽媽,我唔舒服又駛咗你幾多錢呀?

媽:  多到你呢一世都還唔曬呀!

桔:  吓!邊有咁多呀!明明聽到姑娘話$485.

媽:  咁奏到你牛龜咁大,唔算數牙!!!!!!!