最愛

我很喜歡打羽毛球.讀中學那時已經入了羽毛球會,後來因為教練不怎樣教我,而且讀書成績不是那麼理想,所以就放棄再學了.

到了現在一把年紀才可以重拾這個少年時的玩意,真搞笑!

打從上年初已開始玩,怎知遇上奧運的來臨,康民處實行了免費3個月給全港市民享用康民處的各項措施,打斷了我book場的預定.亦中斷了這個運動達大半年之久.

現在一切又重回軌道了,給你們看看我的至愛

左邊那隻是舊年在Sogo買,我叫它做'倚天劍',很輕身,剎波清脆;

右邊那隻也是在Sogo買的,叫'屠龍刀',比較重身,剎波威力大,現在已成為我的最愛了!

 

牛年第一單料

就係阿桔又走咗出街,今次仲去咗幾間屋咁遠,我個個鄰居都有養狗,我同阿囡係條街猛咁喝住佢,幾驚佢會跳落地,搞咗成個鐘,佢先至肯番番入屋.

以後都唔可以俾佢地單獨咁留係露台喇!!!

你地睇吓個衰仔仲係咁百厭

相比卡萊同阿柑就乖好多

亭亭玉立嘅卡萊

斯斯文文嘅柑囡

阿柑同阿桔一張趣怪嘅相.

阿囡過年豆咗好多利是,屈佢買咗棵新貓樹,價錢合理兼四平八穩,好滿意.

無無聊聊過咗年

話咁快又過咗一個年,今年雖然無咩搞作,但係都覺得好攰.

買咗幾條頸帶俾佢地,不過好似唔係咁鍾意,睇吓可以戴得幾耐!

 

 

卡萊戴新頸帶,唔like,所以唔郁,

阿桔都係--無聲抗議,

而阿柑,戴咗之後發咗癲,影都唔見!!!!!

牛年迎新歲

今年係牛年,唔怕同你地講,亦都係我出生嘅年份.

係呢度祝大家身體健康,事事順景.

而我屋企個三隻野,大年初一已經齊齊送咗3篤"黃金"俾我執,-----真係好窩心呀!!!!!!

撩交打??

柑桔兩個由細玩到大,好好感情,但係有時都會打吓交,不過都係玩多過真係打.反而卡萊就比較鍾意蝦阿柑,唔知係咪阿柑第一日返屋企就對卡姐唔客氣,留低咗啲唔係咁好嘅印象!

柑柑好鍾意爬梯

琴到咁高,一啲都唔驚

阿桔就enjoy sun bath多啲

同埋挑戰我嘅天羅地網

至於卡萊,都係要媽咪錫哂佢囉!

阿桔無事

尋日幾經辛苦,排除萬難,終於係夜晚8點幾先攞到阿桔啲尿液樣本,急急送去診所,返到屋企都未得閒飲杯茶,電話已到,說尿液樣本嘅數據顯示阿桔啲尿液中含有晶體,而且尿液好稀,懷疑個腎可能有問題,今朝一早要同佢驗血.

結果成晚眼光光,非常担心,阿桔咁細個,如果有腎病真係好慘.

今朝醫生同樣講返尋晚嘅情況,話啲尿液正常唔會咁稀釋,除非係大量飲用水,我答唔通係我呢幾日不時force feed佢飲水,同埋尋日因為missed咗佢一次小便,所以係咁每一個鐘就灌佢飲水,醫生都話有咁嘅可能,anyway都要驗血.

數據出咗,我阿桔腎臟指數正常,醫生話佢應該係尿道發炎,食7日抗生素就會好番.不過佢都係建議阿桔轉食處方糧,可以改善佢尿液晶體嘅情況.我問佢可唔可以同其他貓一齊轉埋,咁樣可以方便我餵食,佢答ok.

好開心,今日係除夕,新嘅一年將到,我係度祝大家新年進步,身體健康!!

Happy New Year! Go! Go! Go!

 

桔:  媽媽我無事你唔駛唔開心喇! 我會聽教聽話架喇!

媽:  聽住先喇!

 

 

阿桔睇醫生

今朝阿桔成朝出出入入個厠所,但係都無尿,因為有3隻貓都唔知邊隻痾過邊隻冇痾,佢呢個情況都有4至5日,不過今朝就特別頻密,所以急急同佢睇醫生.

獸醫檢查過佢膀胱就無覺得個膀胱發脹,佢地試過同阿桔攞啲尿液,不過攞唔到,原來佢已經痾咗係個貓箱啲毛巾度.

獸醫話有3個可能:

1.最近有環境變遷,引發有心理壓力;

2.因為有壓力,導致膀胱有啲組織脫落,所以阻礙排尿,這個可能性多是由本身嘅貓貓基因引致;

3.有尿結石

所以要化驗阿桔啲尿先可以肯定係乜野原因.醫生同佢打咗支消炎止痛針,希望佢去厠所可以舒服啲,同埋開咗啲修復膀胱嘅藥丸佢食.

醫生仲俾咗包唔會吸尿嘅砂俾我,所以今日全日都要留守係屋企,服侍呢位大少.

桔:  媽媽,我唔舒服又駛咗你幾多錢呀?

媽:  多到你呢一世都還唔曬呀!

桔:  吓!邊有咁多呀!明明聽到姑娘話$485.

媽:  咁奏到你牛龜咁大,唔算數牙!!!!!!!